Vellore-a Naga patient house sakna tur lungphum phum

Nagaland PWD minister Tongpang Ozukum chuan Thawh-ṭanni khan Vellore, Tamil Nadu-a Naga damlo inentir tura kalte awmna tur, Naga patient house sakna tur lungphum chu Kohima-ah virtual hmangin a phum.

Tongpang Ozukum chuan kum tam tak chu dam lohna avanga Vellore damdawi-in pantu, Naga mite chu an awmna tur chungchangah harsatna an tawk ṭhin tih sawiin, "Sorkar hnenah pawh awmna tur hmun ngaihtuahsak turin vawi tam tak an ngen a ni. Chief minister Neiphiu Rio pawhin a pawimawhzia hriain Tamil Nadu chief minister MK Stalin hnenah a thlen a ni," a ti. CM Rio hian Tamil Nadu CM hi hmaichhan ngeiah pawh a sawipui a, hemi hnu hian Vellore-a Naga patient house sakna turin ram, square feet 10,000-a zau, CMC Vellore bula mi chu Tamil Nadu sorkar hian a thlawnin a pe ta a ni.