Meghalaya cabinet-in degree college 12 dinna tur pawm

Meghalaya state cabinet, Thawhlehnia ṭhukhawm chuan an state-a degree college 12 dinna tur rawtna siam chu an pawm.

Meeting zawh hnua chanchinthar lakhawmtute a kawmnaah, chief minister Conrad K Sangma chuan, cabinet hian Capt Williamson Sangma Technical University tih chu Capt Williamson Sangma State University tiha thlak an remtih thu a sawi bawk. Hei hi Meghalaya sorkar enkawl state university hmasa ber a ni.

Meghalaya Medical Services Recruitment Board-in post ruak awmte recruitment exam kaltlanga a hnawhkhah theihna turin Meghalaya Health Services Rules siamṭhat chu cabinet chuan a pawm bawk.