Manipur : Village chief-ten police outpost siam tum duh lo

Manipur-a Myanmar ramri bul, Tengnoupal district-a village chief leh civic body eng emaw zat chuan state sorkarin India-Myanmar border-a police outpost siam a tum chu an duh lo.

Thuchhuah siamin, ramri ven hna thawk tura dah, Assam Rifles-te hnathawk chu a lungawithlakin an rintlak tawk niin an sawi.

Manipur cabinet chuan September thla khan India-Myanmar border-ah police outpost 34 leh, National Highway 37, Imphal-Jiribam route-ah outpost paruk siam belh a rel a ni.

Manipur-ah hian Myanmar ramri km 390 vela thui awmin, Tengnoupal district-a Moreh sector-ah ramri hi km10-a thui hung hna thawh chu ram inchuh buaina a awm vangin kum eng emaw zat zawh fel lohin a awm tawh a ni.