PM Modi-a'n Dec 18-ah Shillong a tlawh dawn

Prime minister Narendra Modi chuan December 18 hian North East Council (NEC) Golden Jubilee lawmna hmanpui turin Shillong a tlawh dawn.

Meghalaya chief minister Conrad K Sangma chuan PM zin tur thu hi sawiin, event pahnih a hmanpui dawn a, zan riak loin New Delhi-ah a kir leh nghal dawn tih a sawi. PM-in a tlawh tur atana security arrangement lam pawh buaipui mek a ni, a ti.

NEC hi hmarchhak state hrang hrang hmasawnna hna thawhna kawnga nodal agency niin, Shillong-ah an headquarters hi a awm a ni.

December 18 vek hian PM chuan Tripura tlawhin, nakkum state assembly inthlan neih tura tana party campaign-na tur chu official-in a hawng ang. Campaign hawnna inkhawm hi Agartala-a Swami Vivekananda stadium-ah neih tum a ni. PM Modi hian project eng emaw zat a hawng tel nghal dawn nia sawi a ni bawk.