Shillong-ah lockdown chhunzawm lo

Meghalaya state khaw­pui, Shillong-a ni thum chhung total lockdown  puan chu Nilaini zan khan a tawp a, inkharkhipna hi kalpui chhunzawm a ni tawh dawn lo tih sorkar chuan a sawi. 

Ni thum chhung  inkhar­khipna kalpui a nihna chhan hi hri kaite contact tracing ngawrh zawka neih theihna atana tih a ni. Deputy chief minister Prestone Tynsong chuan district thuneitute leh health department lamte nena an ngaihtuah hnuah, lockdown pawhsei hi a ngai lo nia an ngaih thu a sawsi. Hemi rual hian test erawh a tam thei ang neih chhunzawm zel tum a ni, a ti. 

Director of Health Ser­vices (MI), Dr. Aman Warr chuan ni thum lock­down kalpui a nih chhung khan hri kai hmuh tawhte nena inhnaihna lo nei mi 1,118 te zawnchhuah an ni tih a sawi. Heng mite hi an sample test sak nghal vek an ni a, mahse an result a negative vek tih a sawi. Meghalaya-ah hian Covid-19 kai hmuh chhuah tawh hi mi 779 an ni tawh a, Nilaini khan hri kai hmuh chhuah thar 41 an awm belh leh a ni.