Assam CM-in 'Orunodoi 2.0 Scheme' tlangzarh

Assam chief minister Himanta Biswa Sarma chuan Nilaini khan New Delhi-a Assam House aṭangin virtual hmangin 'Orunodoi 2.0 Scheme' a tlangzarh. He scheme hnuaiah hian state chhunga hmeichhia dinhmun harsa zawk nuai 17-te chuan sorkar aṭangin chhawmdawlna an dawng dawn a ni.

Chief minister Sarma chuan he scheme hmang hian hmeichhai nuai 17-te chuan thla tin an bank account-ah chhawmdawlna, Rs 1,250 an dawng ṭhin dawn a ni, a ti.

Sarma chuan Orunodoi scheme kaltlang hian mi harsa zawk mi nuai 35-te chhawmdawlna pek tum a ni tih sawiin, he scheme hian rualbanlo leh transgender pawh a huam vek dawn tih a sawi. Nakkum April thla aṭangin Deen Dayal Dibyangan Pension Scheme leh Indira Miri Universal Widow Pension Scheme dawngtute chu Orunodoi scheme-ah hian chhun lut vek ani dawn tih a sawi bawk. Orunodoi scheme chuan an state-a retheihna umbo a, chhungkaw harsa zawkte dinhmun chawikanna tur kawngah nasa takin a pui thei dawn niin a sawi.