Meghalaya-ah India leh Kazakh sipaiten military exercise nei

India leh Kazakhstan sipaite chuan Ningani aṭang khan kar hnih awh tur, counter-terror exercise chu Umroi, Meghalaya-ah an nei ṭan.

Ram pahnihte hian kum 2016 aṭang khan annual training exercise hi nei ṭanin, 'Prabal Dostyk' tiin an vuah a, kum 2018 khan 'Kazind' tiin a hming hi an thlak leh a ni. Tun hi annual exercise an neih ṭum rukna a ni.

Military exercise-ah hian Kazarh Army aṭangin regional command an tel a, Indian Army aṭangin 11 Gorkha Rifle-te an tel.

Ministry of Defence chuan ram pahnih sipaiten nunchan zir dunna an neih hian sipaite thawhhona ṭha siamin, semi-urban leh ramhnuaia firfiakte beihletna kawnga hma lak dan ṭha zawkte an zirho a, sipaite hian an tihdan ṭha hriatte pawh an inhrilh tawn tih a sawi.

Sipai nunchan zirnaah hian battalion level-ah Command Post Exercise (CPX) leh Company level Field Training Exercise (FTX) neih a ni a, sipaite chuan mission hrang hrang - joint planning, joint tactical drill, special arms skill, HARD leh target raiding te an nei tel a ni.