AP CM-in women's biking expedition vailiam

Arunachal Pradesh chief minister Pema Khandu chuan state tourism chawilarna tur chi khat atana ni li awh, women's biking expedition chu East Siang district-a Pasighat aṭangin Nilaini khan a vailiam.

AP hi state mawi leh tlawh tur tam tak awmna ni mah se, India rama state tlawhpawh nasat loh zingah a la tel a ni. Hei vang hian state tourism department chuan tourism chawilar a, khualzin tam zawk hip luh an nih theihna tan digital campaign a nei a ni.

Women's biking expedition-ah hian hmei-chhe biker pali telin, Ducati Multistrada an khalh a ni. Biker palite chu- tunhnaia bike hmanga Bangalore-Sydney inkhalh thleng, Indian adventure tourer Candida Louis; Iranian-Indian Maral Yazarllo, Lady Riders of India dintu leh motorbiking-a world record holder; fastest biker tia hriat lar leh hmun hrang hranga bike hmanga lo tlawh tawhtu Kalyani Potekar bakah Arunachal Pradesh mi leh a biking skills vanga hriat lar Tenzin Moteh-te an ni.

Ni li chhungin hmeichhe biker-te hian Arunachal Pradesh state chhung hmun hrang hrang an tlankual bakah, indigenous tribe-te bulah hun an hmang dawn a ni. Pasighat aṭang hian Namsai an pan a, Rima khua tlawhin Namdapha National Park & Tiger Reserve-te pawh an tlawh bawk ang. Lower Dibang Valley-a Orange Festival pawh an hmanpui nghal ang.