Manipur CM-in Loktak dil-a hnathawh tihbuai tumah NGO ṭhenkhat puh

Manipur chief minister N Biren Singh chuan foreign fund dawng ṭhin NGO ṭhenkhat chu Manipur-in G20 meet a thlen venna tur, Loktak Lake-a hnathawh tihbuai tumah a puh.

India-in G20 presidency dinhmun a chelh chhungah meeting eng emaw zat a thleng dawn a, heng meeting hi state hrang hranga nghah tum niin, Manipur pawh hian a thleng ve dawn a, Loktak dil hi event thlanna atan hman an tum a ni.

Chief Minister Singh chuan an hnathawh tihbuai tum zawnga chete chu sorkarin a dim dawn lo tih a sawi.

Loktak dil-a Champu Khangpok Floating village-a chengte hmaa thu a sawiah, CM chuan hmarchhak biala freshwater lake lian ber, Loktak chu humhalh ṭhat a ṭul thu leh, Asian Development Bank (ADB) team-in an zirchian turin an rawn tlawh dawn tih a sawi bawk.