Assam sorkarin Nagaon district-ah eviction drive nei dawn

Assam sorkar chuan Nagaon district-ah sorkar rama chengte a chhuahtir dawn. Eviction drive hi kar leh Thawhṭanni aṭangin kalpui a tum.

Official chuan Nagaon district-ah hian sorkar ram acre 397 dawna zau chu mimalin an luah niin a sawi. Heng hmuna chengte hi chhuak tura hriattir tawh niin, eviction drive hi ni 3-4 vel neih a ngaih a rin thu a sawi. Police leh paramilitary force 700 chuang tirh tum an ni, a ti.

Hmun ṭhenkhata eviction drive an neihnaah buainate a chhuah avangin, state sorkar chuan venthawn thilah Morigaon district thuneitute chu a ṭul dan anga pui tura lo inring turin a hriattir lawk. Sorkar ram chinah hian chhungkaw 1,000 dawn an cheng nia sawi a ni.

Chief minister Himanta Biswa Sarma chuan September 12 khan Assam assembly-ah nikum May thlaa BJP kaihhruai sorkar term hnihna a din aṭangin, sorkar ram chhunga cheng chhungkaw 4,449 chu chhuahtir an ni tawh tih a sawi.