Assam specialty tea kg 1 Rs nuai 1.15 in hralh

Assam-a specialty tea, Manohari brand chu kar liam ta khan lilamnaah kg 1 Rs nuai 1.15 in hralh a ni.

Private portal Ta Inntech-ah lilamnaah 'Manohari Gold Tea' hi hralh a nih thu Manohari Tea Estate hotu Rajan Lohia chuan a sawi. "Guwahati Tea Auction Centre (GTAC)-ah chuan kg khat hi Rs nuai 1 chin tura Tae Board India-in a bithliah avangin private auction hmanga kan hralh a ngai a ni," a ti. Lilamnaah hetaing chi thingpui an hralh to ber a nih thu a sawi bawk.

Manohari Gold Tea hi RK Tea Sales-in an lei a ni. Manohari brand hrang hrang, a bikin gold variety hi GTAC-ah hian man to tak takin hralh an lo ni tawh ṭhin a ni.

Kum 2021 December thla khan GTAC aṭangin Manohari Gold tea chu kg khat Rs 99,999 in hralh a ni a, kumin February thla khan hetiang man zat bawk hian AFT Techo Trade siam 'Golden Pearl' chu a hralh a ni. June thla khan Jorhat Tea Auction Centre-ah Pabhojan Gold Tea kg khat chu Rs nuai 1-in hralh a bawk.