Manipur sorkarin sipai thite pualin memorial park siam dawn

Manipur chief minister N Biren Singh chuan Indian Armed Force-a Manipur mi, ram tana nunna hlantute pualin state sorkar chuan memorial park a siam dawn tih a sawi.

Imphal-a Manipur Rifles Banquet Hall-a Vijay Diwas hmannaah Chief Minister hian hemi chungchang hi sawiin, memorial park siamna tur hmun pawh ruahman a nih tawh thu leh, hna pawh a rang thei anga thawh tan tum a ni thu a sawi. 'Ram tana nunna hlantute chu zahna kan lantir thei dawn a ni,' a ti.

Manipur state chu kum thum chhung a zawnin state hmasawn ber zinga mi a ni tawh tih sawiin, CM Singh chuan model state a siam tura theihtawp chhuah zel turin state mipuite a sawm nghal bawk a ni.