Assam Rifles ten Kohima-ah ralthuam an man
Assam Rifles te chuan Inrinni zan khan Kohima-ah ralthuam a ruka zuar ṭhin an man a, an mi man kut aṭang hian ralthuam eng emaw zat an man thu official te chuan an sawi.
Officiating PRO, HQ IGAR (N) Lt Col Angshuman Chakrabarti chuan intelligence te hnen aṭanga an thudawn bawhzuiin Mokokchung Battalion Assam Rifles leh police te chuan Tuli area an dap a, dan loa ralthuam hmanga sumdawng ṭhin hi an man tak thu a sawi.
An mi man kut aṭang hian Chinese granade pakhat leh IMFl case 40 cheng nuai 1.20 man hu an man thu sawiin, an mi man leh an ralthuam man te hi Tuli Police station kutah an pek thu official te chuan an sawi bawk.