Infiamna chawisang turin infra- structure ṭha neih a ngai : Nagaland CM

Nagaland Chief Minister TR Zeliang chuan infiamna chawisang tur chuan infra­structure changtlung zawk leh ṭha zawk neih a ngaih thu Inrinni khan a sawi. Infrastructute ṭha neih a nih chuan ṭhalai tam zawk tan national leh international level-ah kawng a inhawn tur thu a sawi bawk.

Nagaland Olympics khar­na inkhawmah thu sawiin, Zeliang chuan sorkarin ṭha­laite tana infiamna hmun leh bungraw changtlung zawk neih a nih nan a theihtawpa hma a lak thu a sawi a, state chhunga ṭhalaite chu infiamna lama phurna pe tura sorkar in hma a lak thu a sawi a ni.

Chief Minister chuan state chhungah infiamna lama talent nei ṭha tak tak, national leh international level-ah pawha zahpuiawm loh tur ṭhalai tam tak an awm thu a sawiin chung mi te chuan inpho chhuahna tur hun ṭha an mamawh niin a sawi bawk.

Zeliang chuan tunlai khawvelah chuan infiamna hi industry lian tak a nih tawh thu sawiin, hna leh chhiah lak nan pawh thil ṭangkai tawk a nih thu a sawi a, hemi a nih avang hian infiamna lama hmasawn a ṭul hle tih a sawi.

Nagaland Olympics ni 5 chhung neihah hian athlete 1000 chuang district hrang hrang 11 aṭangin an fuankhawm a ni.