Manipur-ah State Level Tribal Film Festival hmasa ber ṭan

Ni thum awh tur State Level Tribal Film Fes­ti­val hmasa ber chu nimin khan Manipur khawpui, Imphal-a Tribal Research Institute (TRI) audotorium-ah ṭan a ni.

He Film Festival hi State Level Tribal Film Festival Committee, Manipur huaihawt niin an theme atan ‘Striving for Excellence’ tih an hmang.

Kick off-naah hian Manipur Legislative Assem­bly Deputy Spea­ker hlui MK Preshow Shimray chu chief guest atan hman a ni a, social worker Thangjamang Haokip chu guest of ho­nour atan hman a ni bawk.

Organising Commi­ttee chiarman Dr Gairiangmei chuan tribal film festival huaihawt a nih chhan ber chu state chhunga hnam hrang hrang te film hmanga inpumkhatna thlen a nih theihna atana tih a nih thu a sawi a, remna leh muanna tel lo chuan engmah a tluang thei lo a ni, a ti bawk.

Retheihna, tharum thawhna leh buaina hrang hrangte chu tribal te nuna bet tlat a la ni hrih a, hemi avang hian film thar, inpumkhatna thlen thei lam hawi chawisan chu thil pawimawh tak a ni, a ti.

Chief guest Shimray pawhin tribal mi te chu zai, lam leh ṭawng lamah talent ṭha tak tak an neih thu sawiin festival hian inpholanna hunṭha a siamsak thu a sawi a, ṭhalai talent neiṭha tak tak te tan pawh festival hi inpholanna hun ṭha a nih thu a sawi bawk.

Guest of honour Thang­jamang Haokip chuan film-ah hian socio-economic, tradition leh culture te pholan ṭhin a nih thu sawiin mass communication-a media chak ber chu film hi a nih thu a sawi bawk. Film hmanga tribal te culture hausa tak leh tradition ṭha tak tak pholan a nih theih thu a sawi bawk a ni.