Neiphiu Rio-an Nagaland Assembly Resolution pawmpui

Nagaland Chief Minister hlui leh Lok Sabha member ni bawk Neiphiu Rio chuan Pathianni khan tunhnaia Naga issue chungchanga Nagaland Legislative Assembly ten Resolution pali an pass chu a pawmpui thu a sawi.

Supermarket Com­plex, Dimapur-a Dimapur Night Carnival kharnaa Chief guest, Neiphiu Rio chuan December 7, 2017-a legislator, par­liamentarian leh ex-parliamentarian te reso­lution siam bakah December 15, 2017-a Nagaland Legislative Assembly ten kumthara Nagaland Assembly inthlan hma ngeia Naga buaina chinfel a nih theih nana resolution pali an siam chu ṭha a tiin a pawmpui thu a sawi.

Rio chuan Naga politics buaina chu kum 70 aia tam chinfel loha a awm tawh thu sawiin Naga mipuite chuan chinfel thuai an duh thu a sawi bawk.

Neiphiu Rio chuan Naga te chu talent nei ṭha leh sumdawnna lamah pawh theihna nei ngah tak an nih thu a sawi a, mahse mipuite rilruah hlauhna a awm tlat avangin an theihna ang tak tak an la phochhuak thei lo niin a sawi.

Rio chuan district administration, Dimapur Chamber of Commerce and Industry (DCCI), Business Association of Nagas (BAN), East Di­mapur Business Asso­ciation (EDBA), entre­preneurs leh donors te chu fakin Carnival an buatsaih ṭhin chu lawmawm a tih thu a sawi a, ṭha­laite talent haichhuah nan leh enterprenuers naupangte thehlar nana Carnival buatsaih a ni chu lawmawm a tih thu a sawi bawk a ni.