State chhunga lui humhalhna tur MoU ziak

Assam sorkar hnuaia Environment and Forest Department te leh Isha Foundation te chuan Thawhṭanni khan state chhunga luiluang te humhalh nan leh venhim nan Memorandum of Understanding (MoU) an ziak tih official-te chuan an sawi.

MoU ziahnaah hian Chief Minister Sarbanada Sonowal chuan thu sawiin, Assamese Civilisation chu Brahmaputra leh Barak lui vanga awm thei a nih thu sawiin heng lui te venhim hi state sorkar thil tum ber pakhat a nih thu a sawi bawk.

Assam hi Isha Foundation nena Mou ziak state parukna a ni chiah a, "Rally for rivers" campaign kal zelah he MoU hi ziak an nih thu official te chuan an sawi.

Chief Minister chuan Brahmaputra leh Barak lui te chu Assam nunna pawimawh tak a nih thu sawiin, state chhung economy leh culture vawng­himtu a ni, a ti.

Sonowal chuan Isha Foundation dinchhuaktu Sadhguru Jaggi Vasudev hnenah lawmthu sawiin Assam sorkar in an state chhunga lui luang te venhim leh enkawl kawnga an hmalakna an thlawp chu lawmawm a tih thu a sawi a ni.