BJP ten Meghalaya-ah hnehna chan inbeisei

Bharata Janata Party (BJP) ten Thawhṭanni-a Gujarat leh Himachal Pradesh-a hnehna an chan hnu lawkah thuchhuah siamin, Meghalaya BJP te chuan kumthara inthlan awm turah hian hnehna chan an inbeisei thu sawiin, Congress Party an hneh ngei an inrin thu an sawi.

BJP national thupuangtu Nalin Kohli chuan kumthara Meghalaya inthlan awm turah hian an thiltum "Mission 40" chu tihhlawhtlin ngei an tum thu sawiin, seat 60 awmah seat 40 lak an tum thu a sawi.

Kohli chuan Meghalaya-ah hian thil a inthlak danglam dawn tih a chiang hle a, mipuite pawhin 'change' an duh nia sawiin Congress legislator ṭhenkhatin party an chhuahsan chuan hei hi a tichiang niin a sawi bawk. "BJP kaihhruaina hnuaiah hmasawnna politics kalpui mek a ni a, engvangin nge Meghalaya hi a kalkan bik ang?" tiin a sawi a ni.

State BJP President Shibun Lyngdoh pawhin MLA nilai ṭhen­khat te nen an inbiak mek thu sawiin, heng zingah hian Congress mi Alexander Hek leh Nationalist Congress Party mi Sanbor Shullai te pawhin BJP an zawm dawn niin a sawi. Lyngdoh chuan heng mite leh Independent MLA te chuan a hun takah BJP an zawm dawn a ni, a ti.

Meghalya-ah hian kumthar February - March velah hian inthlan neih theih turin hmalakna kalpui mek a ni.