AP : Kum 5 chhungin BRO-in kawngpui km 3,000 chuang siam

Border Roads Organisation (BRO) chuan kum nga chhungin Arunachal Pradesh-ah kawngpui, km 3,097-a thui an siam hman.

Union minister of state for defence, Ajay Bhatt chuan Lok Sabha-a BRO hian kum nga chhungin AP-ah kawngpui 64 an siam thar thu hi a sawi a ni. BRO hi defence ministry-in border area-a kawngpui siam hna thawk tura a ruat ani. Arunachal Pradesh bakah Sikkim-ah pawh kum nga chhung hian kawngpui 18, km 663.535-a thui an siam hman bawk.

Kum 2020-a Ladakh-a India leh China sipaite intihbuaina nasa tak a thlen hnuah, sorkar laipui chuan border area-a infrastructure thuam chakna kawngah nasa zawkin hma a la chho a ni.

BRO hian AP-a China border, Tawang-a Line of Actual Control (LAC)-a sipai duty-te tan hman theih turin Sela Pass tunnel, feet 13,000-a sangah an siam mek bawk a, he tunnel hi kum 2023, July thlaah zawh hman beisei a ni. Sela Pass tunnel hian kawngpui awmsa kaltlangin, Baisakhi-Nuranang a thlunzawm dawn a, sipaite leh mipuite tan Tawang panna awlsam zawk a siamsak thei dawn a ni.