Assam-ah ruihhlo Rs vbc 175 hu man

Assam police-te chuan Inrinni liam ta zan khan Cachar district-ah ruihhlo, Yata tablet nuai 6.2, international market-a cheng vaibelchhe 175 man hu an man.

Cachar-a police team chuan thu an dawn bawhzuiin Lailapur-a checkpoint-ah ruihhlo phurtu pick-up van motor hi a man a, a neitu mi pathum an man tel bawk. An mi mante hi Manipur state-a cheng vek an ni.

Nagaon district-a local court chuan kar liam takhan ruihhlo tawlhtu, Habil Ali chu kum 20 tang turin a hrem bawk. Ali hi kum 20 tang tura tih a nih bakah cheng nuai 3 chawi tura hrem a ni bawk. A sum chawi tur hi a pe thei lo a nih chuan thla 18 dang a tan belh ang.

Habil Ali hi kum 2020, December thla khan a chenna inah man a ni a, a kut aṭang hian brown sugar leh cannabis, Rs vbc 2.5 chuang hu man a ni.