Kum 23 state hruaitu ni thei Sikkim CM

Sikkim Chief Minister Pawan Kumar Chamling chu kar kalta Thawhlehni, December 13 kha Sik­kim-a a rorel kum 23-na chiah a ni a, bahlah miah loin a zawnin kum 23 chhung ro a rel thei a ni.

An party Sikkim De­mocratic party hian 1994 aṭang khan sorkarna changin, an sorkar chhung hian below poverty level (BPL) chhungkaw zat chu nasa takin a tlahniam a, mipuite per capital index pawh a pung nasa hle bawk a ni.

Chamling chuan kum 1994-a sorkarna an chan khan an state chhunga 41% chu BPL an la nih thu sawiin tunah chuan 8% chiah BPL an awm tawh thu a sawi.

Kum 67-a upa Pawan Kumar Chamling chuan 1994-a per capita index chu Rs 9,300 niin tunah chuan cheng nuai 2.91 a nih thu a sawi bawk.

Pawan Chamling hi SDF founding president a ni a, kumtharah chuan Sikkim chu ziak leh chhiar thiam vekna state-a a siam an tum thu a sawi. Tun dinhmunah hian state chhunga ziak leh chhiar thiam awm zat hi 82.6% a ni.

Chamling-a kaihhruai sorkarin ro a rel chhung hian Sikkim hi fully organic state-ah puan a ni bawk.

Pawan Chamling hi a zawnin term nga thlan tlin ni tawhin December 12, 1994 khan ro a rel ṭan a, hetih lai hian kum 44 mi a ni.