Meghalaya : PDF CM candidate tur Congress MLA hlui

Meghalaya People’s Demo­cra­tic Front (PDF) chuan thuchhuah siamin 2018 Assem­bly inthlan neih turah, Congress MLA hlui PN Syiem chu an party Chief Ministerial Candidate a nih dawn thu an tarlang.

Kumthara inthlan lo awm tur atan hian party hrang hrang te chuan hnehna chan ngei tumin hma an la nasa tawh hle a, party dang ten CM candidate tur la puangchhuak lo mah se PDF chuan PN Syiem chu an party CM candidate tur a nih thu an puanchhuak a ni. Mawsynram Congress MLA hlui leh KHADC CEM, Pynshngain N Syiem hi Chief Ministerial candidate atana ruat a nih thu hi PDF public rally, Polo Ground-a Thawhlehni-a neihah khan puanchhuah a ni. Syiem hi party chairman a ni nghal dawn bawk niin offi­cial te chuan an sawi.

Rally-a pung­khawm mipuite hmaah thu sawiin Syiem chuan, regional party tharin hma nasa taka lak a tum thu leh state chhunga danglamna thlen ngei an tum thu a sawi. Kum 2018 hian state hmalam hun a hril dawn nia sawiin an tum ber chu danglamna a ṭha zawnga thlen a nih thu a sawi bawk. Meghalaya ṭha tak din theihna tur chu mipui ten PDF-an thlawp chauhin a ni, a ti.