Meghalaya Congress Panel Chief atan Mukul Sangma

Meghalaya Congress Party chuan Chief Minister Mukul Sangma chu an Party Manifesto Committee chairman atan ruat a nih thu an sawi.

Congress hian Mukul Sangma bakah hian party campaign Committee chairman atan H.D.R Lyngdoh chu ruat a nih thu an sawi bawk. Heng an mi ruat tharte hi National Congress President Rahul Gandhi pawhin a pawmpui tawh a ni. Manifesto Committee member atan hian CM hlui D.D. Lapang, Salseng C. Marak, R.C. Laloo, Charles Pyngrope, James S. Lyngdoh, Ampreen Lyngdoh leh Manas Das Gupta-te ruat an ni. Member 15 awmna Campaign Committee-ah hian Lok Sabha Member Vincent Pala pawh ruat tel a ni bawk.

Meghalaya hian nakkum February-March thla hian Assembly inthlanpui an hmachhawn dawn a, tun Assembly term hi nakkum March thla hian a tawp tawh dawn a ni.