AP CM leh Air Marshal Anil Kholsa inkawm

Arunachal Pradesh Chief Minister Pema Khandu leh Eastern Air Command Air Officer Commanding-in-Chief Air Marshal Anil Khosla te chu Ningani khan an inkawm a, thil pawimawh chi hrang hrang an sawi dun.

An inkawmnaah hian Chief Secretary Satya Gopal pawl a tel a, Indian Air Force (IAF) hmalakna tihchak dan tur an sawi ho a ni. Chief Minister chuan Indian Air Force-te'n ram venhimnan a an hnawthawh chu a thlawp thu leh puih an ngaih phawt chuan puih a inhuam thu a sawi. IAF official te leh Chief Minister inkawmnaah hian Vijaynagar leh Tawang-a fixed-wing aircraft operation kalpui a nih theih nana Advanced Landing Ground (ALG) siam belh a nih theih dan turte an sawiho bawk.

IAF Chief Anil Kholsa chuan Arunachal chu air connectivity lamah hma an sawn thu sawiin, state capital Itanagar Airport tur pawh tihchian a nih tawh thu a sawi. Itanagar airport tur hi Director General of Civil Aviation (DGCA) chuan Hollongi-ah an siam dawn tih an tichiang tawh a ni. IAF Chief chuan state airport hmasa zawk Tezu ami thawmṭhat hna pawh an zawh tawh thu a sawi.

Chief Minister pawhin IAF hnenah lawmthu sawiin, ALG vawi hnih an hmang chu lawmawm a tih thu a sawi a, IAF te hmalakna zawng zawng an thlawp thu a sawi bawk.

Pema Khandu chuan inter-state boundary chungchangah IAF-te a rin ngam thu a sawi bawk a, IAF-te ram tana an thawhna chuan rampum tan rah ṭha a chhuah zel dawn niin a sawi bawk.