Manipur-ah hel kap hliam, mi pakhat man

Assam Rifles te chuan ingani khan Manipur-ah National Socia­list Council of Nagaland - Isak-Muivah (NSCN-IM) pawl mi leh sa ni ngei a hriat mi pakhat chu an kaphliam a, midang pakhat an man bawk.

Police thuchhuahin a tarlan danin, Nilaini tlai khan Security force te leh NSCN-IM mi ni a rinhleh te hi Noney district-a Sibilong leh Sinam thingtlang khaw inkarah an inbei a, hel zinga pakhat chu kahhliam niin, mi pakhat an man bawk a ni. An inbeih thu hriat a nih velah inkahna hmunah hian sipai tirh luh belh nghal an ni a, hun eng emaw chen an inkah hnuah helte hi an inṭhaṭhen a ni. A inkahna hmun hi state capital Imphal aṭanga km 137 vela hla a nih thu offficial te chuan an sawi bawk.

Tunhnai kum hnih chhung hian Security force te hian Naga hel pawl hrang hrang mi 1,000 chuang an man tawh a, heng zingah hian NSCN-K mi leh sa an tam ber niin official te chuan an sawi sawi.