Tripura-a Science City hmasa ber tur hawng thuai dawn

Tripura state-a Science City hmasa ber tur, West Tripura district-a Badarghat-a siam chu mipuite tlawh theiha hawn a ni thuai dawn tih science and technology minister Jishnu Dev Varma chuan a sawi.

Minister chuan data-te tihfel a nih hnuah, Science City hi chief minister -in a hawng dawn tih a sawi. "Sorkar hmasa khan a sak hna hi laklawh takin an chawlhsan a, theihtawpa ṭan kan lak hnuah ministry of culture aṭangin sak chhunzawmna turin fund kan dawng thei ta a ni," a ti.

Deputy chief minister chuan a sak hna hi zawhfel ni tawhin, hawn mai theih tura peih a ni tawh tih a sawi. "Hna kan thawh ṭantir khan 30% vel chauh khawih a la ni a, tunah chuan peihfel tawhin gallery pathumte chu hawn theih a ni tawh a ni," tiin a sawi.

Science City-ah hian 3D planetarium, Science for Fun leh nitin khawsakna kawnga science ṭangkaina hrang hrang pholan a ni bawk ang.