Manipur : Imphal-a warehouse bulah bomb chhar

Manipur-a Imphal East district-a Khurain Ahombung hmuna warehouse bulah Thawhlehni khan bomb chak chi chhar a ni a, Manipur police-te hriattir an nih hnuah bomb squad chuan hmun him lamah an sut a ni.

Imphal East district SP Pradip chuan bomb hi kg 5 vela rit niin TNT stick panga, Radio data system leh splinter-te vuah anih thu a sawi. Zinga ke kalten bomb hi an hmu a, police-te hriattir nghal a ni. Eng pawl mahin bomb kamtu an nih thu hi an la sawi lo. SP chuan bomb an hmuhna hmunah chiah hian kum hnih liam ta khan tu tih hriat lohin bomb an lo kam tawh bawk niin a sawi.