Tripura inthlan neih turah central force company 300 dah dawn

Tripura assembly inthlan neih turah venhim hna thawk turin central force company 300 dah a ni dawn. Assembly inthlan hi nakkum kumtir lamah an nei ang.

Election commission chuan central force te hi kar leh aṭangin Tripura-ah hian dah ṭan a ni dawn tih a sawi.

Inthlanna felfai leh zalen taka kalpui a nih theihna atan venhim hna thawktu ṭhahnem tham tak hi dah an ni dawn a, CRPF, BSF, ITBP leh CISF aṭangin company 100 dah hmasak phawt niin, inthlan dawn hnaiah company 200 dang dah luh belh an ni ang.

Kum 2018-a Tripura assembly inthlan neih pawh khan central force company 300 duty tir an lo ni tawh bawk.