Assam CM-in Rs vbc 1,220 hu project lungphum phum

Assam chief minister Himanta Biswa Sarma chuan Dhemaji district-ah developmental project, cheng vaibelchhe 1,220 hu lungphum a phum.

Chief Minister chuan tulian vanga harsatna tawk fo thin, Dhemaji district chu district hmasawn ber zinga siam tumin sorkar chuan hma a la mek tih a sawi. Zirtawpnia developmental project lungphum a phumte hi sorkarin 'Bikakkhor Babe Eta Pokhek' ( A fortnight for development initiative) hnuaia a hmalakna tur a ni.

CM-in project lungphum a phumte zingah hian Rs vbc 605.24 senga Dhemaji-a medical college and hospital thar sakna tur te, Rs vbc

49.9 senga DC office sakna turte, Rs vbc 50.53 senga District Sports Stadium Complex siamna tur leh Rs vbc 12.36 senga mini stadium siamna turte a tel.

Dhemaji district-a high school zawng zawng chu a tahtawlin tihchangtlung vek a ni dawn tih Chief Minister chuan a sawi bawk a, school pakhatah cheiṭhatna atan hian Rs vbc 7-8 ruahman a ni ang. Milk processing unit pawh din tum a ni bawk.