Tripura-in power supply chungchangah ADB inremna ziahpui

Tripura sorkar chuan an state chhunga power supply tihchak leh tihchangtlunna turin Asian Development Bank (ADB) chu cheng vaibelchhe 2,275 hu inremna a ziahpui.

Deputy chief minister Jishnu Dev Varma chuan ADB nena inremna an siam chu an state tana thil chhinchhiahtlak a nih thu sawiin,pawn lam aṭanga puihna kaltlanga project an siam lianber a ni tih a sawi.

Project agreement hi Tripura power secretary Brijesh Pandey leh ADB India Resident Mission-a officer in charge Nilaya Mitesh-ten an ziak a ni.

ADB aṭanga project thawhna tur fund, Rs vbc 2,275 an dawn aṭang hian sorkar laipuiin Rs vbc 1,820 a rul ang a, state sorkarin Rs vbc 455 a rul ve bawk dawn niin deputy CM chuan a sawi. He project hi kum thum chhunga zawh hman tum a ni.