Tripura-ah EC-in 'Mission-929' kalpui

Tripura assembly inthlan lo awm turah mipuiten vote an thlak ṭhat a, vote 90% chuang a tlak theihna turin Election Commission chuan 'Mission -929' a kalpui.

EC hian polling station 929 chu a thlur bing dawn a, inthlanah vote hi 92% tlak tir tumin target an siam a ni. Heng polling station 929-ah hian kum 2018 assembly inthlanah khan vote tla hi 89% an tling lo a ni. A bak polling station dangah chuan 91% leh a chung lam vek vote a tla thung.

Assembly inthlan hnuhnung berah khan a pumpuia vote tla chu 89.5% a ni.

Election commission chuan poll official-te nen awareness campaign neiin, kum upa zawk leh taksa lama rualbanlote pawh vote an thlak ve vek theihna turin hma an la dawn a ni. Hemi atan hian polling station tinah ramp, wheelchair bakah a hrana an intlarna turte siam a ni ang.

Seat 60 awmna, Tripura legislative assembly inthlan hi February -March velah an neih rin a ni.