'Marksman' in LGBI Airport a veng dawn

Guwahati-a Lokpriya Gopinath Bordoloi International Airport chu Scorpio lethal form, Mahindra Marksman ventir a ni dawn.

Hmarchhak biala airport lian leh lun ber vengtu tur hian armoured vehicle, Mahindra Marksman hi Thawhṭanni khan airport main entrance-ah dah a ni.

Mahindra Marksman hi India rama armoured capsule-based light bulletproof vehicle hmasa ber niin, firfiakte beihnaah pawh hman theih a ni. Grenade leh ralthuam dang hmanga beihna lakah pawh a venghim thei a ni. Kum 2009 khan tlangzarh niin, Mumbai Police-a Force One ten an hmang hmasa ber a, a hnuah state dang leh central police force bakah paramilitary force - Central Reserve Police Force (CRPF), Border Security Force (BSF) leh Central Industrial Security Force (CISF)-te pawhin an hmang zui ve leh bawk.

LGBI Airport veng tura Marksman dah hi airport vengtu, CISF-ten an enkawl zui ang.