Assam Governor-in Raj Bhavan thar tur lungphum phum

Assam governor Prof. Jagdish Mukhi chuan Ningani khan Khaguli, Guwahati-ah Raj Bhavan thar sakna tur lungphum a phum. He hun hi chief minister Himanta Biswa Sarma pawhin a hmanpui a ni.

Assam sorkarin hmasawnna hna thawhna tur, ‘Bikashor Babe Ek din’ a kalpuina hnuaiah infrastructure project eng emaw zat siamin, heng zingah hian Raj Bhavan thar sakna tur pawh a tel.

Governor chuan CM Sarma chungah lawmthu sawiin,a kaihhruaina hnuaiah Assam chuan infrastructure lamah hmasawnna tam tak a nei tawh a ni, a ti.

Chief Minister pawhin thu sawiin, Raj Bhavan thar sakna tur hian Rs vbc 41.32 ruahman a nih thu leh, thla 18 chhunga zawhfel hman tum a nih thu a sawi. Raj Bhavan thar sak tur chu India rama Governor in mawi berah siam an tum tih a sawi bawk. Building thar sak hnuah pawh, Raj Bhavan hlui chu vawnṭhat zel a ni dawn tih a sawi.