Meghalaya CM-in Ganol hydro power project a hawng

Meghalaya chief minister Conrad K Sangma chuan West Garo Hills-a 22.5 MW Ganol Hydro Power Project a hawng. CM hi deputy chief minister Prestone Tyngsong leh health minister James Sangma-ten an ṭawiawm.

Chief Minister chuan he project hawn a ni thei chu Garo Hills tana thil chhinchhiah tlak tak a nih thu sawiin, Rs vbc 560 chuang senna project atan hian a kaihhruai sorkar chuan theihtawp a chhuah a ni, a ti.

CM chuan project hluihlawn tawh tharthawh leh tura rawttu leh, zawhfel a nih theihna tura theihtawp chhuahtu James Sangma chu fakin, a ngenna angin project hi zawh a nih theihna turin state sorkar pawhin fund a pekbelh thu a sawi.

He project lungphum hi kum 2014 khan phum a ni a, mahse fund ṭhat loh vangin hluihlawn a ni deuh hman a ni. Kum 2018-a Sangma kaihhruai sorkar a rawn din khan project tihtharna atan fund te a rawn pe leh ta a ni.