Guwahati rel station-ah opium Rs nuai 60 hu man

Government Railway Police (GRP) leh Assam police thawkdunte chuan Inrinni khan Guwahati railway station-ah New Delhi pan tur Rajdhani Express-ah opium kg 12 an man. An ruihhlo man hi international market-ah Rs nuai 60 man a ni.

Railway police-te chuan he ruihhlo hi Dimapur , Nagaland aṭanga lak niin, Delhi panpui tum a ni, an ti. Thu an dawn bawhzuiin rel pindante chu uluk taka an endik hnuah ruihhlo hi an man a, a neitu erawh an man tel lo.

Opium kg 12 hi rel pindan, B 11-a seat 46 hnuaiah, bag pakhat chhungah bawm 12-ah an lo thukru a ni.

Tun hnaiah rel hmanga ruihhlo tawlh bakah human trafficking thlengin a thleng fo a, hei vang hian railways lam pawh an fimkhur hle a, thil dik lo tihtumte pawh an lo man fo tawh a ni.