Manipur-ah Imphal-Tiddim kawng dang

Manipur-a women activist-te chuan Nagaland-a Manipur mi driver thah a nih avanga lungawi lohna lantirin, Pathianni aṭang khan tiam chin awm loin Imphal-Tiddim kawngpui an dang.

Women activist-te chuan Manipur driver, Yengkhom Priyobrata rukbo leh thah a nih chungchangah pawikhawihtute man leh hremna pek ngei phutin lungawi lohna hi an lantir tih an sawi. Manipur-a driver-te pawhin nawrh huaihawt an tum ve bawk.

Yengkhom Priyobrata hi December 30 khan rukbo a ni a, biakpawh theih loh leh a chin hriat loha hun eng emaw chen a awm hnuah, kar liam ta Inrinni khan a ruang hi Nagaland-ah hmuh a ni.

Manipur police-te chuan he pawikhawihna thlen dan an chhuinaah Nagaland police-te pawh thawhpui tura ngenin, information an hriat duhte pawh hrilh turin an ngen. Police-te chuan Nagaland hmun ṭhenkhatah Manipur driver-te kutthlak leh rawkna hi a thleng fo niin an sawi.Manipur-ah Imphal-Tiddim kawng dang