Assam : Lakhimpur-a forest rama chengte chhuahtir dawn

Assam-a Lakhimpur district thuneitute chuan forest ram, hectare 500-a zauah dan loa chengte chu chhuahtir hna chu vawiin aṭangin a kalpui ṭan dawn.

Buaina liantham chhuak loa sorkar rama chengte chhuahtir an nih theihna atan hian Pathianni khan mock drill pawh an lo nei tawh a ni.

Lakhimpur district-a Adhasona leh Mohaghuli khuaa forest ram, hectare-a zauah hian chhungkaw 700 vel an cheng a, an zinga a tam zawk chu kum10 chuang an awm tawh nia sawi a ni. He hmuna dan loachengte hi Assam hmun hrang hrang aṭang pemkhawmte nia sawi a ni a, tuilian leh khawkheng vanga harsatna tawk, an awmna hmun chhuahsana helai hmuna inbengbel ta pawh an awm bawk.

Chief minister Himanta Biswa Sarma kaihhruai sorkar thar a din hnuah, state chhunga sorkar rama dan loa chengte hnawtchhuah hna hi kalpui a ni fo tawh a ni. Nikum December 19 khan Nagaon district thuneitute chuan Batadrava-a sorkar rama cheng, mi 5,000 vel chu an lo chhuatir tawh bawk. Hmun ṭhenkhata sorkar rama chengte chhuahtir an tumnaah buainate chhuakin, hliam tuarte an lo awm tawh a ni.