Sikkim-ah vote nei 14.15% in an pung

Sikkim Additional Chief Electoral Officer (ACEO) Pema Lhaden Lam chuan electoral roll ennawn a nih hnuah, vote nei hi mi 4,50,550 an awm tih a sawi.

Lam chuan qualifying date, January 1, 2023-a chhiarin vote nei mi 4,50,550 zingah hian hmeichhia 2,23,144 leh mipa 2,27,406 an awm a, kum khat chhunga voter punna hi 14.15% a nih thu a sawi nghal bawk.

Electoral revision hi November 9,2022 - December 8,2022 chhung khan neih a ni a, vote nei thar mi 6,469 an awm laiin, list aṭang hian hming 5,764 paih a ni thung. Vote nei thar zingah hian kum 18-19 mi 2,977 an tel. Persons with Disabilities (PwDs) 367 an awm a, service voter 1,996 an awm bawk a ni.

Election Commission of India-in kaihhruaina thar a siam angin, EPIC card hi Speed Post hmang chauhin thawnchhuah a ni ang. e-EPIC hi Voter helpline App hmangin download theih a ni bawk.