Meghalaya CM-in Baghmara Water Supply Scheme a hawng

Meghalaya chief minister Conrad K Sangma chuan Baghmara, South Garo Hills-a Greater Baghmara Water Supply Scheme chu Thawhṭanni khan a hawng.

He project hi kum 2021, March thla aṭanga thawh ṭan niin, nikum December thla khan zawh a ni. Hna thawhna atan hian Rs vbc 63.50 sen niin, hei hi North East Special Infrastructure Development Scheme (NESID) hnuaiah pek a ni. He project hi Baghmara biala mi 41,000 velin an chhawr thei dawn a ni.

Chief Minister chuan project a hun taka zawhfel a nih theih avangin PHE department official-te fakawm a tih thu a sawi. CM hian Baghmara-a Housing Middle Income Group Building leh New Circuit House Building thar pawh a hawng nghal bawk.