Assam-ah ship repairing centre din dawn

Union minister Sarbananda Sonowal chuan Assam-ah ship repairing centre leh maritime skill development centre din a ni dawn tih a puang.

Sonowal chuan Guwahati-a centre pahnih sakna tur hi January 13-ah prime minister Narendra Modi-a'n khawvela river cruise thui ber tur, Varanasi-Dibrugarh,Assam inkar a vailiam rualin a hawng nghal dawn tih a sawi.

Ship Repairing Centre hi Cochin Shipyard Limited-in a sa dawn a ni. Sonowal chuan lawng siamṭhat ngai, Kolkata pan zel ngai ṭhin pawh he centre din fel a nih hunah a ngai tawh dawn lo a, hun tam tak an sen ral ṭhin pawh a ngai tawh dawn lo a, investor-te tan thil lawmawm tak a ni dawn a ni, tiin Sonowal chuan a sawi. Maritime skill development centre-ah hian hmarchhak state pariat aṭangin zirlai 100 vel training pek niin, training chhuakte chuan inland water sector-ah hna an dil thei nghal dawn bawk a ni.