Gauhati HC acting chief justice atan Justice N Kotiswar Singh ruat

12th January, 2023

Justice Nongmeikapam Kotiswar Singh chu Gauhati High Court acting chief justice atan Thawhlehni khan a ruat a, vawiin aṭangin a hna thar hi a zawm nghal ang.

Gauhati High Court chief justice Rashmin Manharbhai Chhaya chu nimin khan a chawl a, hei vang hian a thlaktu turin high court-a judge senior ber chu ruat a nih thu Department of Justice thuchhuah chuan a tarlang.

Supreme Court judge-te hi kum 65-ah an chawl a, high court judge-te erawh chu kum 62-ah an chawl thung a ni.