Assam : Lakhimpur forest rama chengte chhuahtir

Assam sorkar chuan Lakhimpur-a forest rama dan kalha chengte chhuahtir hna chu Thawhlehni aṭang khan a kalpui ṭan.

Official-te chuan reserved forest, hectare 2,560.25-a zauah hian hectare 29 vel chauh chu a him niin an sawi. Thawhlehni aṭang khan Pavo reserved forest huam chhung, hectare 450-a zau thenfai hna hi an thawk ṭan a, hemi huam chhungah hian chhungkaw 500 chuang an khawsa a ni.

Lakhimpur Additional Superintendent of Police Runa Neog chuan forest ram chhunga chengte chhuahtir hna kalpuinaah hian lo luhlul fal a, lo dodaltu an awm hran lo tih sawiin, boruak ṭha tak hnuaiah an kalpui chhunzawm zel theih a beisei thu a sawi. Eviction drive neihnaah hian excavator leh tractor 60 chuang hmangin, secuirty force mi 600 vel duty tir an ni bawk.

Moghuli khuaa forest ram hectare 200-a zaua cheng chhungkaw 299 te, Adhasona khuaa hectare 250-a zaua cheng chhungkaw 200 te pawh chhuahtir an ni dawn bawk.

Forest rama chengte hi a hmaa hriattirna pek lawk an nih avangin eviction drive neih hian a tam zawk chuan an chenna hmun hi an lo chhuahsan tawh a ni. Chhungkua chhuahtir zinga a tam zawk hi Bengali Muslim an ni.