Meghalaya CM-in state university hawng

Meghalaya chief minister Conrad K Sangma chuan Inrinni khan state university hmasa ber, Captain Williamson Sangma State University (CWSSU) chu South West Garo Hills district-a Balalgre khuaah a hawng.

Meghalaya chief minister hmasa ber, Captain Williamson Sangma hming chawia phuah, state university hmasa ber chu an state kum 50 nihna pualin mipuite tan a hlan tih Sangma chuan a sawi.

CM chuan he technical university hi state university puitlinga siam turin thutlukna a siam a, hemi atan hian kawng hrang hranga hma lak a nih thu a sawi. State university puitling neih chu an ṭangkaipui dawn hle tih sawiin, state chhung college-te tan pawh NEHU hnuai aiin State University hnuaiah awm turin an duh an thlang thei dawn a ni, a ti.