Tripura : Congress leh CPI-M thawhdun an tum

Tripura-a eptu pawl pahnih, Congress leh CPI-M chuan assembly inthlan lo awm turah rorellai BJP paithlak a nih theihna atan thawhdun tumin an inbe mek. Seat insem dan tur pawh an ngaihtuah thuai dawn niin an sawi.

Congress AICC Tripura in-charge Ajay Kumar leh state party general secretary Prashanta Bhattacharjee te chuan Zirtawpni zan khan Agartala-a CPI-M Tripura state headquarters an tlawh a, CPI-M Tripura state secretary Jitendra Chowdhury leh an hruaitu dangte an kawm a ni.

Kumar chuan assembly inthlanah BJP paihthlak an nih theihna turin eptu party hrang hrangte chu thawk ho turin Congress chuan a sawm tih a sawi."Tripura hian zalenna a mamawh a, hlauhna leh tharum thawhna lakah a zalen a ngai a, hemi atan hian BJP hi paihthlak a ngai a ni," a ti.

CPI-M general secretary Sitaram Yechury chuan BJP thuneihna tihtawp a nih theihna turin an party chuan Congress leh tribal based party, Tipra chu thawhpui a, seat insem dan tur relho pawh a inpeih thu a lo sawi tawh bawk.