Campaign truck beih vangin Tripura Congress-in complaint thehlut

Tripura west district-a Mohanpur-ah Tripura Congress-in campaign-na atana an hman truck-te chu BJP worker nia sawiten an bei a, hei vang hian Congress party chuan mi 11 lakah complaint a thehlut.

State Congress president Birajit Sinha chuan director general of police Amitabh Ranjan hnenah complaint hi thehlutin, pawikhawitute chu a rang thei anga man turin a ngen.

DGP Rajan hnena lehkha a thehluhah, Sinha chuan LED campaign truck pali, Agartala lam pan tur chu Pathianni chawhnu khan Mohanpur-ah BJP mi leh saten an lo bei tih a sawi. LED screen-te an tihchhiat bakah, LED processor, generator set pali, sound system, amplifier, cooking gas stove leh cylinder-te an ru bawk a ni, a ti. Truck beitu hming ṭhenkhat pawh an hriat thu sawiin, an hming pawh a ziaklang bawk.

Congress hruaitu chuan pawikhawihtute man chhuak a, an thil rukte pawh hmuh let leh anih theihna atana a rang thei anga police-te chu hma la turin a ngen.