Nagaland : NNPG leh NSCN-in Council of Naga Relationships and Cooperation din dawn

Naga National Political Groups (NNPGs) leh National Socialist Council of Nagalim (NSCN) chuan sorkar laipui nena Naga buaina chinfel a nih theihna atana chak zawka hma an lakna turin Council of Naga Relationships and Cooperation an din dawn tih an puang.

Pawl pahnihte chuan thuchhuah inṭawm siamin, "Naga movement vanga hun khirh tak kan tawn lai pawhin Naga-te chu an dingchhuak thei a ni. Naga-te hmalam hun atana ngenna hrang hrangte chuan theihtawp chhuaha thawkdun turin min nawr a ni," an ti. Moli, September 14-a September Joint Accordant an siam aṭangin, NNPG leh NSCN chuan “Council of Naga Relationships and Cooperation” din hi an lo remtih tawh thu an sawi.

He council hi NNPG convenor leh NSCN chairman-ten an ho dawn a, Naga political issue chu Naga mipuiten an pawm theih tura a rang thei ang bera chinfel dan an zawng dawn tih an tarlang. Naga mipuite pawh an hmalaknaah lungrual taka ṭawiawm zel turin an sawm nghal bawk.