Tripura sorkar leh NTPC thawkdun dawn

Tripura sorkar leh NTPC Renewable Energy Limited (NTPC REL) chuan renewable energy project siama thawkdun turin inremna an siam.

State khawpui, Agartala-ah Thawhṭanni khan NTPC REL chief general manager Rajiv Gupta leh Tripura Renewable Energy Development Agency-a director general leh CEO Mahananda Debbarma-ten memorandum of understanding (MoU) hi an ziak a ni. Inremna an ziahnaah hian chief minister Manik Saha bakah NTRC senior official-ten an telpui a ni.

Inremna an siam hnuaiah hian Tripura-ah renewable energy project lian thamte thawh a ni dawn a, clear energy siamna kawngah NTPC hian state sorkar a pui bawk ang. Project thawhnaah hian Tripura Renewable Energy Development Agency (TREDA) chu nodal agency a ni dawn a ni.