Assam : Karimganj-ah Yaba tablet Rs vbc 40 hu an man

Assam police-te chuan Karimganj khua aṭanga km 22 vela hla, Bagargul area-ah car pakhat aṭangin yaba tablet, international market-ah cheng vaibelchhe 40 man hu an man.

Karimganj additional superintendent of police, Partha Partim Das chuan police-te hian night patrol an neihnaah, yaba tablet nuai sarih, kg 88 vela rit phurtu Maruti Alto car hi an man tih a sawi. Motor driver hi an man a, motor-a chuang pakhat erawh chu a tlanchhe hman a ni.

Police-te chuan NDPS Act hnuaiah thubuai an ziaklut nghal a, Karimganj SP Padmanabha Baruah chuan case chhuinaah hian a ho dawn a ni.