Tripura-a Congress bike rally beih chungchang chhui turin hriattir

Election Commission chuan Tripura-a Majlishpur assembly constituency-a Congress party buatsaih, bike rally neihnaa telte beih an nih dan chu chhui turin thupek atichhuak.

Congress party chuan BJP mi leh sa nia sawiten bike rally hi beiin, party worker 15-in hliam an tuar niin an sawi. Hliam tuar zingah hian AICC general secretary Ajay Kumar pawh a tel a ni.

Hetih lai hian Tripura police-te chuan rally beitute hi misual, tu tih hriat lohte an ni tiin, hliam tuar pawh 10 an ni tih an sawi thung.

Tripura chief electoral officer Gitte Kirankumar Dinakarrao chuan, January 18-ah inbeihna thleng chungchang chhui tur hian Election Commission chuan a hriattir thu sawiin, Tripura DGP chu CEO office-ah report thehlut tura hrilh a ni, a ti. CEO chuan inbeihna thleng chungchangah hian FIR pathum thehluh a ni a, mi pariat man a ni tawh tih a sawi bawk.