Manipur veteran journalist Madhumangol a thi

Manipur veteran journalist, All Manipur Working Journalists Union (AMWJU) president hlui Kangujam Madhumangol chu kum 79 mi niin Zirtawpni liam ta zan khan a thi.

Madhumangol hi heart attack vangin, Imphal-a chenna inah a thi a, a nupui, fapa pakhat leh fanu pahnih a kalsan.

AMWJU founding member, Madhumangol hi kum 2002-2007 khan local news cable network ISTV ah news editor a ni. A hna thawh ṭhat avangin kum 2004 khan Indramani Memorial Journalist Award leh, kum 2005 ah NETV People's Choice Award hlan a ni.